Pangarau: Mahi āhuahanga. Kei te raweke haere ngā tamariki i ngā momo āhua, pērā ki ngā porowhita, tapawhā roa, hei hanga he makimaki. Meinga meinga tamariki mā!

 

Mahi toi ki tō Te Tapa taha...wiki 4

Ka haere ngā pikitia manu ki hea?? 
Akuanei ka kite tātou katoa ki hea.

Ko Kairangi rāua ko Nephi e tino kaha ana ki te mahi.
He tino kaha rawatia hoki ki te kōrero Māori i ngā wā katoa!
 Meinga, meinga!

Ka pai Nephi. I mahi a Nephi ngā manu e rua.

Maia, ko te Kākā tērā momo manu? Tino rerehua āu mahi toi.

Tino rerehua hoki tāu mahi.

Kei te peita a Tora-Grey he kiwi. Rawe hoki ngā pīataata. 

Tino pai e Te Akau.  Ataahua rawa te manu rā.

Tō pukenga kaha e tama ki te mahi peita, mahi whakanikoniko pikitia.
Ka wani kē e Whetu.  

Tino rata a Whetu ki te mahi toi. Kei runga noa atu!

Mahi Tititōrea.......Kia pai ai ō marama e te iwi e!
Tēnei te waiata tititōrea o te mātauranga me te whakangahau o te rangatahi te tititōrea. 
Whuia ki runga, whuia ki raro, patupatu ngā rākau e,
kia pai ai ō mārama e te iwi e!

Tino hīkakaa Ranelle rāua ko Makarita ki te mahi tititōrea.  Tau kē kōrua.  Tērā pea, mā kōrua hoki ngā tamariki e whakaako

I waenganui i te mahi tititōrea kua tae mai ngā manuhiri, ko Winnie te Pooh me tōna wahine.

He kaupapa kōrero nā ngā tamariki

Kia ora anō koutou,

Anei ētahi rerenga kōrero ā waha nā ētahi tamariki o te akomanga.  Ko te kaupapa kōrero, ko Tangaroa.

"Ko Tangaroa ahau, kei a au ngā kararehe.  Ko mako, ko tohorā, ko whai, ko tepetepe"
Nā Tora-Grey

"Ko Tangaroa ahau, he tino kaha ahau!  Kei a ahau he maha ngā tamariki, he tepetepe, he tohorā, me he aihe, me ngā ngā kaimoana."
Nā Maia

"Ko te moana ahau, kei a ahau ngā pāpaka, ngā kina, ngā paua,ngā ika, me te kaimoana"
Nā Cortez

"Ka tiki ngā ika mō te whānau, i tiki a Te Wheke a Muturangi i ngā ika, me i patu a Kupe i te Wheke"
Nā Kairangi

"Kei te takaro ngā pipi o ngā wheke nui, kei te pai rātau."
Nā Te Ara Wairua

"Ka tiki kai i roto i te moana, ka kai te mako i te ika."
Nā Tūrongo

"I whiua tētahi matua i te rāpihi i te moana, kāore i te pai ki Tangaroa."
Nā Whetū

"I whui tēnei tama he rāpihi ki roto i a Tangaroa i riri ia ki te tama"
Nā Haetapunui

He pikitia tēnei nā Maia

He kōrero anō mō Kupe

Tēnā anō e te whānau,

Kei te aro tonu te akomanga ki ngā kōrero tuku iho e pā ana ki a Kupe me āna mahi tapa i ngā wāhi o te Aotearoa.  Anei ētahi tauira o te mahi;